زهرك في بوقالة

1* راني راني في وسط جناني السرّ والبهاء ريته بعياني راني راني حالفة بالرباني هذه المرة ما نأخذ غير البراني

2* يا لالّتي فاطمة يالالّتي فطوم سبحان خالقك ريت النجوم في السماء حسبتهم ساقك العين تبكي عليك والقلب مشتاقك

3* السفينة اللي جات باش أنكافيها باللوز والسكر نطعم غاشيها (أي ناسها) وبالزباد والعطر نطلي سواريها ونطلب ربي العزيز للحج يدّيها

4* بعثت لك يا شباب دموعي قرنفلة حمراء ياعدو بن عدو بدّلتني بامرأة قال لي والله يا لالة ما نبذلك بالغير محبتك في قلبي حتى يشيب الطير

5* عندنا شجرة معمرة بالياقوت وعندنا فوّارة معمرة بالحوت اعطوني ابنتكم ولا نطيح نموت

6* جايز على بابنا جايز واش تشوف انا لابسة لحرير و انت لابس الصوف قالها يا لالة لباس الرجال مخلوف ارواحي ليا نلبسك لقاط و نزيدلك الشنتوف

7* مشيتي مشية زهرية فاتو ثلث شبان عليك الاول قالك من صابك ليا و الثاني قالك من صابك حلالي و الثالث قالك من صابني الارض و انت تمشي عليا

يعطيك الصحة على اختياركي هذه البوقالات الرائعة ولعقوبة لبوقالات عرسك انشاء الله
قولي أمين

يا حسراه على الزهر اللي كاين في البوقالات تقول شي أفلام هنيدية والنهاية دائما سعيدة